مساعده مستعجله

والله بالنسبه لتصميم الأستايلات انا مثل حالاتك مبتدء فيها ولا عندي خلفيه كامله عنها ولكن ممكن انقل لك دروس فيها وكمان الأخوان هنا ماراح يقصرون معك الله يعطيهم العافيه وبالتوفيق اخوي

طيب حتى أنا والله أحاول أبتدي

بس قريت موضوع في منتدى

يقول لازم سيرفر شخصي

ممكن توضحو المعلومة هاذي

السلام عليكم
والله ياأخي بهذا الموضوع لازم يكون الأخ روابط
لأن هو يالي من الممكن مساعدتك


أخي آمر تدلل السيرفر الشخصي
هو العمل على localhost وهي إلها برامج كتيرة

اخوي
ان شاء الله الشرح هذا يفيدك
بسم اله الرحمن الرحيم

بنا ء ً على طلب بعض الاخوان وخاصة ً اخوي باب اليل تم اعداد هذا الدرس والذي اتمنى من الله العلي القدير

أن يكون مفهوم وان بدى مني تقصير فارجوا ان تسامحوني

ملاحظة : لقد تحاشيت بعض النقاط الصغيره والمعروفه لدى الكل مثل ادراج جدول وادراج صور وهكذا .



الدرس السابق كان لتقطيع على الرابط التالي

http://www.traidnt.net/vb/showthread.php?t=210180

او من هنا

http://www.shqawe.net/droos/t9memdesign.htm

بسم الله نبدأ الشرح

قبل كل شيء رح سو مجلد جديد وسمه مثلا ً shqawe وانقل كل الصور حقت الاستايل اللي قطعناه في المجلد وتابع الشرح معنا

اولا ً نذهب الى الفرونت بيج ونقوم بفتح صفحة جديدة

ونقوم بادراج جدول من ثلاثة اعمدة وثلاثة صفوف واظن الكل يعرف كيفية ادراج جدول

المهم بعد ادراج الجدول نضغط على احد خلايا الجدول بالزر الايمن ونختار خصائص الجدول

ونجعل الخصائص مثل الصورة التالية:



لاحظوا معي المحدد بالمربعات الحمراء لابد من وضع القيمة صفر لكل المحدد بالمربعات

ثم نضغط موافق

الان تكون لدينا 9 خلايا وسيكون تقسيمها كالآتي لاحظ الصور معي



طبعا ً انا اتبعت ترقيم الصور مثل ترقيمنا في التقطيع في الدرس السابق

الان لاحظوا معي الصور 1 و 6 و 9 و 14

هذه الصور ادرجناها عن طريق ادراج صورة

اما الصورتان اللتان في الوسط وهما 3 و 11 فادرجناهما على انهما خلفيه للخليه

واللي ما يعرف يدرج اقوله اظغط بزر الفأره الايمن على الخليه رقم 3 او الخليه رقم 11

وبعدين اختار خصائص الخلية وبتلقى في الخصائص مكتوب استخدام صورة خلفية

اضغط على استعراض وحط الصورة رقم 3 في الخلية رقم 3 والصورة رقم 11 في الخلية رقم 11

وبعدين شد الاطراف مثل ماهو واضح في الصورة اللي فوق لين تتوصل للشكل السابق

الان نضغط على الخلية الوسطى اللي ادرجنا فيها الصورة رقم 3 بالزر الايمن للفأرة ونختار مثل الصورة التاليه



بتطلع لك الصورة التالية



الان لاحظ معي اللي محدد بالون الاحمر اول شيء انا مختار تقسيم الى اعمدة

وفي المربع الثاني مختار ثلاث اعمدة فقط الان يامال العافيه اضغط موافق

الصورة كبيرة جدا وهذا الرابط

http://www.shqawe.net/droos/front5.gif


الان اي واحد فيكم بيقول انت وش سويت باقوله تابع معي ولا تستعجل

الان إنا اول قسمنا الخلايا الوسطى اللي في الصف الاول واللي في الصف الثالث الى ثلاث خلايا صح

كل اللي عليكم انكم تدرجون الصور التجميلية وكل صورة في مكانها حسب تقطيعك للأستايل

طيب بيجيني واحد بيقول الصور ما ادري كأنها مايله على جهة اليمين باقوله صادق بس وش نسوي عشان نضبطها تابع معي

الان ركزوا معي الله يرحم والديكم

نروح للصورة رقم 1 ونضغط عليها بزر الفأرة الايسر ضغطه وحده بس ونروح لشريط الادوات اللي فوق ونعطيها محاذاة لليسار عن طريق الاداة رقم 1 في الصورة التالية



وبعدين نروح للصورة رقم 4 ونطبق معها نفس اللي طبقناه مع الصورة رقم 1

الان نروح للصورة رقم 3 وضغطه وحده بالفأرة بالزر الايسر ونخار محاذاة لليمين واللي هي في الصورة اللي فوق رقم 3

ونروح للصورة رقم 6 ونطبق معها نفس اللي طبقناه مع الصورة رقم 3



الان باقي الصورتين رقم 2 و 5 هذولا نعطيهم محاذاة توسيط اللي هي رقم 2 في الصورة اللي فوق



طيب الان واحد يجيني يقول انا طبقت كل كلامك بس طلع فيه فراغ بين الاركان والصور التجميلية اقوله لا تخاف مع شقاوي الحل مضمون

كل اللي عليك تروح للصور التجميلية واللي ارقامها 1 و 3 و 4 و 6

وتضغط على كل صورة ضغطتين بزر الفأرة الايسر لين تطلع لك الصورة التالية:



الان شفت التباعد الافقي هذا المفروض دائما ً انه يكون 3 انت الله لايهينك حطه صفر ثم يا مال العافيه طق موافق

الان باقي الاعمده الاعمده ندرجها مثل ما اردجنا الصور رقم 3 والصورة رقم 11 معليش انا خليتها اخر حاجه لانها ما يحتاج لها شد ولا شيء بس

كل اللي عليك تخلي خلفيه للخليه

الحين نروح للتعليمات البرمجية ونبي نغير مسار الصور يعني المسار عندي للصور كذا

file:///E:/الاستايلات%20والواجهات/تجربة/images/1_12.gif

والمسار لازم يكون كذا

shqawe/images/1_12.gif

وش نسوي وش نسوي طيب الحين عندنا يمكن اكثر من 14 صورة وبعض الاستايلات تكون الصور فيها اكثر

يعني اروح لكل سطر وامسح الكلام اللي قدام طبعا ً لا لان عندي طريقة اسهل واسرع هيك بلمحة بصر على قول الاشوام

طيب كيف اقولك تابع الصور وبعدين اقولك

الصورة كبيرة جدا وهذا الرابط

http://www.shqawe.net/droos/front10.gif

اها الصورة كبيره وتدوخ بس ماعليكم انا مكبرها عشان يبسط السرح

المهم اول شيء انا وش سويت انا رحت وظللت كل اللي قدام هالكلمة images/1_12.gif

مثل اللي واضع بالصورة اللي بالون الازرق وبعدين رحت وضغط على الزر اللي شكله مثل المنظار فوق وشوفوا وش مكتوب تحته بحث

او تقدرون تضغطون من الكيبورد على زر Ctrl+H

وبيفتح لكم المربع الموجود اللي موجود فوق انا ابيكم تتأكدون انكم في تبويب استبدال لاحظوا عندنا فوق ثلاث تبويبات

بحث واستبدال و علامات HTML

إنا اللي يهمنا الاستبدال طيب الحين فتح المربع وش نسوي

اذا كنت قد ظللت اللي قدام كلمة images/1_12.gif فبتلقى اللي ظللته موجود في المربع الايمن مثل اللي عندي

اما اذا ما ظللته فرح ظلله وانسخه وارجع الصقه في المربع الايمن المربع الايسر لا تقربه خله فاضي واضغط على الزر اللي تحت

استبدال الكل بتجيك رسالة من البرنامج تقولك ترى تم استبدال 14 صورة على حسب الصور اللي ادرجتها انت

الحين نرجع من تحت ونروح للتصميم حقنا بتلاحظ ان الصور انطمستيعني ماعاد هي باينه

الحين نروح للخليه اللي بين الاعمدة ونحط المؤشر فيها ونروح ونحط امر التوسيط عن طريق الصورة التالية وامر التوسيط رقم 3



ونرجع من تحت ونروح للتعليمات البرمجية بس عندي ملاحظة انا هنا ما عدلت مسارات الصور عشان الشرح والا انت خل المسارات مثل ماهي

الصورة كبيرة جدا وهذا الرابط

http://www.shqawe.net/droos/front8.gif

الان شفتوا المؤشر انا محدد بمربع احمر صغير اللي من قبل المؤشر وفوق هذا الهيدر اللي محدد باللون الاحمر انسخه يمال العافية ورح

للوحة تحكم المنتدى واضغط على الاستايلات والقوالب بتطلع لك الاستايلات انا مسمي استايلنا هذا تجربة واختر مثل الصورة التالية



طبعا ً بعض التعريبات يكون هذا الخيار باسم القوالب المشتركة وكل ٍ وتعريبه عاد المهم انكم تختارون هذا الخيار

بتفتح لكم صفحة فيها ثلاث مربعات نختار اول مربعا واللي هو الهيدر ونمسح اللي فيه كله الا هالسطرين

$spacer_open

$_phpinclude_output

شوفوا الصور التالية



شوفوا اللي محدد بالون الاحمر هذا لا تقربونه اللي من فوقه امسحوه كله

هم الصقوا اللي نسخناه من الفرونت بيج واللي هو الهيدر فوق الكلمتين اللي محدد بالاحمر وبعدين اضغطوا موافق

بس لا تطلعون من الصفحة خلوكم فيها باقي الفوتير

الان نرجع للفرونت بيج وننسخ الفوتير مثل الصورة التالية

الصورة كبيرة جدا وهذا الرابطhttp://www.shqawe.net/droos/front9.gif



الحين اللي مظلل بالون الازرق هذا الفوتير وشوفوا الموؤشر باين من بداية التظليل يعني اللي بعد المؤشر هذا الفوتير انسخوه حلوين طيبين بنحبكم

الان نروح للوحة التحكم وصفحة القوالب الشائعه ما طلعنا منها

وننزل للفوتير بتلقونه مربع مثل مربع الهيدر انزلوا لاخر سطر والصقوا فيه اللي نسخناه من الفرونت بيج الصورة ببتلكم



لاحظوا اني مأشر بالمربعات الحمر على المؤشر وعلى السكرول عشان ابين لكم اني في اخر سطر

الان اضغطوا انتر او موافق او حفظ وروحوا جربوا عملكم



واتمنى اني وفقت في الشرح واي سؤال تحت امركم


تقبلوااحترامي وتقديري



اخوكم



شقاوي

وأنا أشكرك اخوي شقاوي على الشرح الموفق وانا نفذت مثل ما انت طلبت وهو نقل الدرس ممن اتصاله جيد

مع ألف تحية




منقووول للفائده

درس التقطيع طييييييييييييييييب جدا


بس الدرس الثاني صعبببب كثير
راح اتعقد منه :(


الظاهر مشكلتي ابد ماراح تنحل





واشكرك اخوي على المساعده

انا كنت مثلك اول فاقد الامل وتحطمت
بس لما تشوف الشغل نظري شرط انك تقول سهله انت سوها مره مرتين راح تضبط معااك

ان شاءالله راح احااااول لحد ماتضبط معي
واشكرك يااخوي على هالوقفه الطيبه


ربي يوفقك