الدرس الاول من دورة سعود الشمري ( تصميم + تقطيع + توزيع الهيدر بالفرونت بيج )

السلام عليكم ورحمة الله وبركاته

والصلاة والسلام على اشرف الانبيـاء والمرسلين

(( كثير شفت طلبات ومشاكل وحلول بقسم مشاكل الستايلات ))

قلت مع نفسي اكسب اجر واسوي دورة فقط ثمان دروس وتصبح بإذن الله مصمم ستايلات ,

انا راح انزل يوم درس وبعد ثلاث ايام الى خمس ايام انزل الدرس الثاني وهكذا,,عشان يمدي الاعضاء يطبقون معاي او يستفسرون عن شئ ما .

عموما راح اشرح لكم بالتفصيل الممل .. يعني الدوره للمبتدئين للي يعرفون الفوتوشوب والفرونت بيج لكن مايعرفون ينجزون ستايل .

عموما ركزوا معاي :: اهم شئ تكون مروق ولاتفكر بشئ خل تفكيرك مع سعوود اللي هو انا ::

الدرس الاول : تصميم هيدر + تقطيعه + توزيعه بالفرونت بيج + استخراج قالب الهيدر كامل ..

ركز معاي ياعسل ..

اول شئ افتح برنامج الفوتوشوب لازم يكون انجليزي

واللي عنده عربي يرفع يده !!

اقصد يروح يفتح الايميج ريدي فقــط !! الفوتوشوب يكون مقفل

بنفس الايميج ريدي اضغط كونترول + شيفت + حرف M

وبعدين تجيك رساله اختار الانجليزيه وموافق وراح يفتح معك الفوتوشوب انجليزي .. اذا فتح الفوتوشوب اقفل الايميج ريدي عشان ماتتراكم عليك البرامج .

الحين يالغالي نفتح ملف جديد بمقاسات 690 العرض 200 الطول نفس ماهو موضح بالاسفل




تصمم اي تصميم عادي بس لازم تكون في منطقه التصميم متساوي يكون فيها عشان التمدد بعدين ,, يعني الانحنائات يكون متساوي ..
عموما لاحظ تصميمي كيف طلع الحين ..




الحين طال عمرك اعطيك مخطط ع الهيدر عشان تشوف وش تقص وكيف تقص لاحظ المثال .






الحين اضغط شيفت وكونترول وحرف e عشان تندمج جميع الطبقات ويسهل لك القص .

حدد على الصوره اليمنى اول شئ نفس ماحددت فوق انا واضغط كونترول + حرف c عشان تنسخ الصوره المحدد بعدين طال عمرك افتح ملف جديد
لاتغير مقاسات الملف خله كذا . لان هو تلقائي يعطيك مقاسات الصوره اللي انت نسخته بعدين الصق الصوره بمكان الملف الجديد بالضغط على كونترول + حرف v
لاحظ الحين كيف طلع معنا .





الصوره هذي اللي طلعت معنا احفظها بصيغة gif
بس قبل لاتحفظ الصوره روح على سطح المكتب وسو مجلد جديد وسمه saud وادخل ع المجلد وسو مجلد جديد داخل المجلد هذا وسمه ss واحفظ الصوره برقم 1 داخل مجلد ss

شكلك مافهمت ( اول شئ روح الى سطح المكتب وسو مجلد جديد وغير اسمه الى saud وادخل على مجلد saud وسو مجلد جديد داخله وغير اسمه الى ss واحفظ الصوره داخله برقم 1 )

حيث يصير مسار الصوره بعدين كذا saud/ss/1
ملاحظة : انت بإمكانك مستقبلا تغير اسماء المجلدات لكن معاي الحين لازم تسمس المجلدات نفسي انا عشان توصل المعلومه صح وتفهم .


الحين نجي نقص التمدد نفس ماهو محدد لنا باللي انا رسمته فوق وش تقص وش تخلي لاحظ كيف تحدد هنا




نحدد ع التمدد ونفس ماسوينا بالصوره اليمنى نحدد التمدد بعدين كونترول + حرف c ونفتح ملف جديد وكونترول وحرف v ونحفظ الصوره داخل مجلد ss ونسميه رقم 2

لاحظ كيف طلع معنا بعد قص التمدد





هااااااام,,,التمدد لازم تكون منطقه متساويه بالانحنائات حيث بعدين مايطلع بالهيدر عيب يعني يكون التمدد خط مستقيم عشان لو تمدد بعدين بالشاشه يكون مافي مشاكل,,,




ونجي على الصوره الاخيره اليسرى ونحدده وكونترول وحرف c بعديم ملف جديد نفتح وكونترول وحرف v ونحفظه داخل مجلد ss ونسميه رقم 3


لاحظ كيف طلع معنا بعد قص الصوره اليسرى




((( كذا انتهينا من قص الهيدر )))

____________________________________________

الحين نروح نفتح برنامج الفرونت بيج لازم يكون 2003
ونروح الى تعليمات برمجيه الموجوده اسفل يمين الصفحه .





ثم نحذف جميع الكلام الانجليزي الموجود بالصفحه .




ثم نرجع الى لوحة التصميم




( من هنا لازم تركز تكفى ركز معاي عان بعدين تصميمك مايطلع فيه عيب )
الحين نروح ونسوي جدول جديد




بعده راح يظهر لنا هكذا نفس الجدول هذا





بعدين نفس ماهو موضح يمين الماوس داخل الجدول واختار خصائص الجدول
تطلع لك اللوحه هذي




غير الارقام الى صفر وحط توسيط نفس ماهو موضح بالصوره ..


راح يتغير الجدول الى هكذا



الحين طال عمرك اضغط مره واحد بيسار الماوس داخل المستطيل الايمن عشان ندرج فيه صوره الستايل اليمنى اللي رقمها 1 الموجود داخل مجلد الستايل ss





بعد ماادرجنا الصوره لاحظ كيف طلع معنا






الحين نضغط مره واحده ع الصوره ونروح نسوي له محاذاه لليمين .




بعدين دبل كليك ع الصوره راح تظهر لك اللوحه هذي وغير كل مامو موضح بالصوره .


وبعدين روح الى المستطيل اليسار ( اللي بالوسط خله بعدين )
ونفس الشئ نروح ندرج فيه الصوره رقم 3 الموجوده داخل مجلد ss بعدين نسوي له محاذاه ( لليسار )
ونضغط دبل كليك ع الصوره ونغير الرقم الى صفر ( نفس ماسوينا اول بالصوره اليمنى )

الحين نجي ع التمدد
نضغط بيسار الماوس مره واحده داخل المستطيل اللي بالوسط عشان ندرج فيه التمدد ,
بعدين يمين الماوس داخل المستطيل ونختار خصائص الخليه وتابع الشرح بالصوره .




راح يظهر التمدد هكذا ( والحين طبق نفس ماهو موجود بالشرح ) >> طبق زين يابعد حيي عشان هذا اهم نقطه التمدد !!




بعد ماسحبناه لاحظ التمدد كيف صار معنا الحين ؟؟




الحين طال عمرك بعد ماانجزنا الهيدر بقى علينا حاجتين !!
الاولى : مسار الصور نضبطه
الثاني : نستخرج قالب الهيدر

_____
نروح الى تعليمات برمجيه الموجوده اسفل يمين الصفحه .





لاحظ الصوره وطبق زين !



اي شئ محدد باللون الاحمر احذفه لان هذا مانستفيد منه ويسبب اخطاء للهيدر ,
لكن اللون الاخظر اتركه لان هو المسار الصحيح للصوره ,


لاحظ الحين بعد الحذف وش يطلع معنا .



سؤال : ليه خلينا اللي ملون بالاخظر ؟
جواب : لان saud هو المجلد الرئيسي للستايل وو ss هو مجلد الهيدر ورقم واحد اسم الصوره وgif صيغة الصوره ..

وصلت المعلومه ياقلبي ؟

بعد مانسخت قالب الهيدر روح وافتح مفكره جديده وحطه فيه واحفظ المفكره داخل سطح المكتب وحط اسمه الهيدر .

كذا انتهينا من تصميم وتقطيع وتووزيع واستخراج قال الهيدر ,

اي سؤال اسأل ولايردك الا لسانك ,,
انتظرونا بالدرس القادم > تصميم فوتر + تقطيعه + توزيعه بافرونت بيج


اذا ماعجبكم الشرح ياليت تقولون لي عشان اغير طريقة الشرح

الرجاء عند النقل ذكر المصدر
www.gasssag.com/1.htm



والله ولي التوفيق
اخوكم سعود الشمري .

يعطيك العافيه على مجهودك

ااااااحلى .... ابداع ... شفته

.... والله شرح وافي


كفو اخ سعود


جزاءك ربي كل خير

تسلم والله قلبي على الشرح الجميل جزاك الله الف الف خير

جزاك الله كل خير

ياسلام عليك اخوي سعود شرح مفصل وجميل بالكامل اعجبنا يالغالي تستاهل الخير

الله يعطيك العاافيه اخوي سعود

كفيت وفيت ماقصرت الله لايحرمنا منك ولامن جديدك

مودتـــي

.

.

والله مبدع ياسعود ربنا يكرمك ياغالي ..

درس مميز عزيزى بارك الله فيك